MUITALUS: Loga mot dikšunvuoigatvuođat ollašuvvet geavadis
Dikšuma várás ohcaleapmi ovdalobiin
Leena jumešáhpehisvuođa dikšun Duiskkas
Leena lea jumešmánáid vuostá ja su áhpehisvuohta gáibida dikšuma, man Suomas ii oaččo. Su doavttir Davvebađaeatnama buresbirgenguovllus lea čielggadan, ahte namuhuvvon dikšun addojuvvo buohcceviesus, mii lea Hamburgas.
Leena ohcá Kelas ovdalobi dikšuma várás, mii addojuvvo Duiskkas, ja laktá mielde iežas doaktáris oažžun almmolaš dearvvašvuohtafuolahusa cealkámuša. Kela mieđiha ovdalobi, daningo almmolaš dearvvašvuohtafuolahus lea bealuštan dan. Leena oažžu Kelas skovi 52, man son galgá addit dikšunaddái Hamburgas.
Leena mátkkošta Hamburgii ja oažžu iežas dárbbašan dikšuma. Son máksá dikšumis báikkálaš áššehasmávssu veardde. Loahppagoluid Duiskka dearvvašvuohtafuolahussii máksá Kela, mii bearrá rehkegiin daid viidáseappot Davvebađaeatnama buresbirgenguovllus.
Dikšuma oažžuma maŋŋel Leena ohcá Kelas vel buhtadusaid mátkki áigge šaddan mátke-, dálkkas- ja orodangoluin, maid son lea vuohččan máksán ieš. Leena ohcá buhtadusaid guđa mánu siste skoviin SV128.
Leena dikšunvuoigatvuođaid ákkat
Leena sáhttá ohcat Kelas ovdalobi dikšuma várás, mii addojuvvo nuppi EU- ja Eeg-riikkas dehe Šveiccas. Ovdalohpi lea máksinčatnaseapmi, man vuođul Leena ruovttugielda gokčá olgoriikkain addojuvvon dikšuma goluin.
Kela dárbbaša ovdalohpemearrádusa várás álohii cealkámuša almmolaš buohccedikšunfuolahusas, mas lea ovddasvástádus buohcci dikšumis. Kela galgá mieđihit ovdalobi, jos cealkámuš bealušta dan. Ovdalobi oažžuma eaktun leat, ahte Leena dikšundárbu lea ákkastallon dálkkasdieđalaččat ja ahte sus livččii Suomas vuoigatvuohta almmolaš dearvvašvuohtafuolahusas namuhuvvon dikšuma várás, muhto almmolaš dearvvašvuohtafuolahus ii sáhte ordnet dikšuma dálkkasdieđalaččat ákkastallon áiggi siste. Almmolaš dearvvašvuohtafuolahus sáhttá árvvoštallat lobi mieđiheami maiddái eará diliin, dego gielalaš ákkaid geažil.
Leena oaččui iežas dáhpáhusas ovdalobi bealuštancealkámuša iežas buresbirgenguovllus ja lavttii dan ohcamuššasis. Daningo Kela lea mieđihan Leenai ovdalobi dikšuma várás, nu son sáhttá oažžut maŋálgihtii Kelas buhtadusaid maiddái mátkkiid, dálkasiid, mieđušteaddji ja orodeami goluide. Kela buhtte ovdalobiin ožžojun dikšuma mátkkiid dikšunbáikki rádjái.